Economia

E palabra 'economia' ta referi na actividadnan di produccion, distribucion y consumo di productonan y servicionan cu ta tuma lugar den un area geografico, por ehempel, un pais. E actividadnan aki ta delinea con recursonan limita ta wordo aloca pa satisface necesidadnan y deseonan.

E produccion di productonan y servicionan ta tuma lugar door di combina factornan di produccion. Esakinan ta consisti di recursonan natural, labor, capital, y entrepreneurship. Entrada genera door di pone na disposicion e factornan di produccion, na su turno, por wordo uza pa cumpra productonan y servicionan pa consumo. Parti di e entrada aki, por wordo redistribui tambe, por ehempel, por medio di impuesto, pa asina provee servicionan publico. E uzo di productonan y servicionan ta conta como consumo.

Kiko mi a siña?

• Nificacion di economia.
• Nombra e factornan di produccion.
• Kico ta conta como consumo.