'Pan Bati' ta un plataforma informativo. E meta di e plataforma ta pa provee educacion economico den un forma simpel y comprendibel pa un y tur.
Hopi biaha ora nos tende e palabra 'economia', nos ta pensa riba un fenomeno formal, cu mas tanto ta di interes solamente pa esunnan cu a scoge pa haci di e topico aki nan area di estudio y carera profesional. Pero, economia ta un concepto cu ta encera mucho mas cu esey y cu ta toca nos tur den un forma directo. Panbati economics tin e intencion di contribui na conocemento riba con economia ta afecta nos bida di tur dia y brinda informacion riba conceptonan economico, pa asina aki yuda haci discusionnan economico accesibel pa un y tur.