Indice di prijs di consumidor

E indice di prijs di consumidor ta un midi cu ta refleha e prijs averahe di un seleccion representativo (tambe yama 'macutu') di productonan y servicionan cu ta wordo cumpra door di consumidornan.

E indice ta wordo calcula door di dividi e prijs di e macutu den un periodo, door di e prijs di e mesun macutu den un periodo base, y multiplica e resultado aki cu 100.

Un periodo base ta simplemente un periodo selecta pa wordo uza como punto di referencia pa midi cambionan durante tempo. E balor di e indice den e periodo base ta igual na 100.

Un indice riba 100 ta indica un subida den e nivel general di prijs di productonan y servicionan den e economia (inflacion), compara cu e periodo base. Un indice bou di 100 ta indica cu e nivel general di prijs di productonan y servicionan den e economia a baha (deflacion), compara cu e periodo base. Un indice di 100 ta nifica cu e nivel general di prijs di productonan y servicionan den e economia ta igual na e nivel di prijs di productonan y servicionan den e economia den e periodo base.

Aki na Aruba, e indice di prijs di consumidor ta wordo calcula door di e Oficina Nacional di Estadistica di Aruba y ta wordo publica riba un base mensual. Actualmente (aña 2021), e periodo base di e indice pa Aruba ta juni 2019.

Kiko mi a siña?

• Kico ta un indice di prijs di consumidor.
• Con e indice di prijs di consumidor ta wordo calcula.
• Con pa interpreta diferente nivel di e indice di prijs di consumidor.