Recesion

Recesion ta referi na un periodo extenso den cual tin un caida den actividad economico. Un definicion cu ta wordo hopi uza den practica pa describi un recesion ta 'un contraccion den producto domestico bruto real pa dos kwartaal sigi'. Na momento di determina si tin un recesion, hopi biaha ta complementa e definicion aki cu indicadornan adicional, manera cifranan di desempleo, confiansa di consumidor y benta.

Un recesion por wordo causa door di (un combinacion di) diferente factornan, entre otro:

• Confiansa di consumidor abou: Ora cu tin falta di confiansa den e economia, consumidornan tin e tendencia di gasta menos y spaar loke nan tin. Esaki ta resulta den menos demanda pa productonan y servicionan, cu ta conduci na un caida den actividad economico.
• Tasa di interes halto: Ora e tasa di interes ta halto, esaki ta hisa e costo di prestamo. Na mes momento, e tasa di interes halto ta haci spaarmento mas atractivo. E dos efectonan aki ta conduci na menos gastamento di parti di consumidornan, cual ta nifica cu tin menos demanda pa productonan y servicionan. Esaki na su turno ta hiba na un bahada den actividad economico.
• Shock economico: Esaki ta un evento imprevisto cu ta causa interupcion den un economia. Un ehempel ta e pandemia di COVID-19 cu a paralisa actividad economico den varios economia.

Un recesion por tin consecuencia pa diferente actor economico:

• Negoshinan por sufri perdida di entrada y ganashi.
• Individuonan por perde nan entrada y nan trabou.
• E nivel di debe di gobierno por subi, debi na entrada reduci for di impuesto y subida den gasto door di programanan di ayudo.

Kiko mi a siña?

• Kico ta un recesion?
• Kico por causa un recesion?
• Posibel consecuencianan di un recesion.