Fitch Ratings a mehora Aruba su evaluacion di credito di BB pa BB+, cu un panorama stabiel

16 di maart 2023, e agencia di evaluacion di credito, Fitch Ratings, a publica e resultado di su mas recien evaluacion di credito pa Aruba. E resultado aki ta refleha e capacidad di pais Aruba pa cumpli cu e pagonan relata na su debenan emiti pa largo plaso den denominacion stranhero.

For di Fitch Ratings su escala di evaluacion di credito, cu ta core di AAA (+) pa D (-), Fitch Ratings a cambia e evaluacion di Aruba pa BB+ (stabiel), compara cu e evaluacion di BB (stabiel) duna na Aruba na luna di maart 2022.

E factornan cu Fitch Ratings a menciona como factornan determinante pa e evaluacion aki ta:

1. E recuperacion economico y fiscal di Aruba despues di e pandemia di COVID-19.
2. E sosten institucional y financiero di Hulanda, cu Aruba ta ricibi debi cu e ta miembro di Reino Hulandes.
3. Aruba su gobernacion fuerte, refleha door di su historia largo di transicion politico stabiel y pacifico, derechonan estableci pa participacion den e proceso politico, capacidad institucional fuerte, un estado di derecho efectivo y un nivel abou di corupcion.
4. Aruba su entrada 'per capita' halto.

1. Aruba su nivel halto di debe publico y e nivel eleva di pagonan di interes relata na e nivel di debe aki.
2. Aruba su dependencia grandi riba un pilar economico (turismo), cu ta pone Aruba su economia na riesgo pa shocknan externo.

E riesgonan principal cu por trece cambio den e evaluacion di credito pa Aruba ta:

1. E estado di Aruba su finansa publico.
2. Aruba su relacion cu Hulanda.
3. E grado di resistencia di Aruba su economia.

E publicacion completo di Fitch Ratings ta disponibel aki: Fitch Upgrades Aruba to 'BB+'; Outlook Stable